Иако можеби си подготвен/а да ја поддржиш твојата кампања и нејзината цел со тони податоци, и можеш да кажеш колку би било совршено логично да се однесуваш во согласност со она што го промовираш, треба да се соочиш со фактот дека помалку од 10% од населението прави избори само врз основа на информации. За повеќето од нас, човечките суштества, преку покажување на вредностите, третирање на нашите емоции се стекнуваат поддржувачи и се влијае на начинот на кој постапуваме или размислуваме. Не е дека податоците и логиката не се важни, тие сè уште треба да постојат, но обично тие не привлекуваат внимание, освен ако не се усогласени со светогледот или со претпоставките што веќе ги имаме. Ако не се, нашиот мозок лесно може да ги игнорира кога ќе ги сретнеме на социјалните мрежи или други простори каде што има многу содржина (да, сите ние сме подложни на когнитивна пристрасност).
Значи, каде да почнеме?
Истражувањата покажуваат дека наративите можат да влијаат на ставовите, верувањата и однесувањата на поединецот. За да создадеш наратив, треба да знаеш со кого сакаш да разговараш и кои емоции ја водат твојата публика, а потоа да ја формулираш вистинската форма на убедување.
Убедувањето е учење со емоционална димензија, менување на тековните верувања и емотивни придобивки. Имај предвид дека компонентите на убедувањето се директен одговор на изјавата на нашата целна публика (во случај да ја немаш, провери го ова упатство за да ја создадеш).
Постојат три елементи за убедувањето да успее:
· Веродостоен изворлице кому публиката му верува
· Логичен пристап: презентирање на ново знаење, вештини или ставови на начинот на кој публиката тоа го препознава и разбира
· Емотивна привлечност: негативна или позитивна емоција во поддршка на новото знаење, вештини или ставови.
ВЕРОДОСТОЕН ИЗВОР
Веродостојни извори се луѓе на кои твојата публика им верува. Тие извори ги делиме во пет категории: 1) луѓе како нас (највлијателните), 2) познати личности - селебрити, 3) лица за пример - идоли, 4) водачи на заедницата и конечно 5) експерти (сè уште се сметаат за веродостојни, но најмалку влијателни).
ЛОГИЧКИ ПРИСТАП
Погледни во што верува твојата целна публика. Забележи дека треба да ја детектираш логиката што ја следи твојата целна публика, а не ти. Со избирање на инфлуенсер и договорените реалности со кои се поврзани, можеш да одлучиш што сакаш да промениш.
ЕМОТИВНА ПРИВЛЕЧНОСТ
За да убедиш некого да го следи твојот наратив, треба да ги активираш неговите/нејзините емоции или чувства. Самата логика не убедува никого да направи ништо. Емоцијата е огромен двигател кој го менува нашето сегашно разбирање и е поврзана со формирање на меморија. Кога ќе разбереме кои се емоционалните придобивки за публиката, можеме да испитаме алтернативи кои можат да предизвикаат фиксна шема на размислување.
Важно е да се забележи дека твоето убедување треба да опфати и промена на вредноста. Малку веројатно е дека ќе прифатиме ново знаење, вештини или ставови доколку не сме охрабрени да го сториме тоа. Охрабрувањето доаѓа од промена на вредноста во спротивната вредност (од позитивна во негативна или обратно) или може да биде засилување на вредноста (од позитивна на многу позитивна или од негативна на многу негативна).
ИЗЈАВА ЗА ЦЕЛ
Откако ќе сфатиш со кого разговараш, целта дава знаење за „што да кажеш“. За да креираш цел, потребна ти е изјавата на твојата целна публика (ако ја немаш, оди на oвој чекор- по- чекор водичза како да ја направиш).
Твојата изјава за цел = изјава на целна публика + веродостоен извор + логичен пристап + емотивна привлечност
На пример, сакаме да опфатиме „некои тинејџерки кои веруваат дека пиењето алкохол ги прави еднакви со пријателите на постарите браќа и сестри, кои пак, заради таквото однесување би ги доживувале како кул и зрели, што пак ги прави да се чувствуваат прифатено“ (да се види како овој пример е развиен, види овде).
Твојата изјава за цел потоа ја вклучува целната публика + логичкиот пристап + емотивната привлечност. Оттука, во овој случај, нашата цел е да ги убедиме овие тинејџерки да веруваат дека „пиењето алкохол ги прави да изгледаат како да го бараат вниманието на пријателите на постарите браќа и сестри, кои пак, заради таквото однесување ги доживуваат како незрели и претенциозни, што пак би ги правело овие девојки да се чувствуваат отфрлено“.
Врз основа на оваа изјава за целта, сега можеш да развиеш позитивен алтернативен наратив која ќе ѝ сугерира на целната публика како поинаку да ги формулираат потребите и вредностите што се важни за нив и како би се чувствувале како резултат на различното однесување.
Се разбира, секоја промена на ставот (верувањата) или промената на однесувањето насочена кон убедување нема да влијае на сите членови на дадената заедница на ист начин. Некои од нив брзо се менуваат, други бавно се менуваат и ќе им требаат повторени примери за новата идеја. Некои членови ќе биде многу тешко да се променат или дури можеби никогаш нема да се променат. Затоа најдобро е да ги развиваш твоите наративи на стратешки начин и да ги комуницираш вешто и флексибилно.
Ако сакаш да дознаеш повеќе за тоа како ефикасно да ја користиш изјавата за цел и да вметнеш убедување во твојата комуникација, придружи се на нашиот бесплатен онлајн курс „Градење позитивни наративи“.