Растот на дигитализацијата несомнено го смени текот на функционирање на социјалните мрежи за сите нас. Сепак присуството на интернет освен неговите бенефиции, ги опфаќа и лошите страни како што се креирањето на лажните профили и малициозните намери кои стојат зад нив. Измамниците кои креираат и користат лажни социјални профили со цел да го придобијат вниманието, најчесто имаат намера да дојдат до вашите лични податоци кои понатаму имаат намера да ги злоупотребат.

Употребата на јавна WiFi мрежа може да биде многу ризична. Хакерите можат да пресретнат сè што правите онлајн, вклучително и дознавање на вашите лозинки и читање на вашата приватна електронска пошта. Ова може да се случи ако врската помеѓу вашиот уред и WiFi не е шифрирана.

Клеветата и говорот на омраза се широко распространети на социјалните мрежи. Маргинализираните групи се особено често погодени од нив. Мила Јосифовска Даниловска и Деспина Ковачевска известуваат за родово базиран говор на омраза на интернет во Северна Македонија.

Најверојатно ви се случило – коментирате некаков свој став на Фејсбук или пак постирате нешто што и можеби не ви се чини така контроверзно. Се појавува некој со спротивставено мислење, кој истото го пренесува со провокаторски и тврдоглав тон. Наеднаш, целиот разговор е фрлен во нелогичен правец, трошите време и живци, а на крај се запрашувате како може да постојат вакви луѓе.

Накратко, сте наишле на трол.

Повеќе од една третина од светската популација денеска користи Интернет, а овој тренд е во континуиран пораст. Речиси и да не може да се замисли функционирањето без Интернет, кааде што има илјадници извори на информации, книги и мапи во дигитална форма, социјални мрежи, онлајн трговија, дигитални библиотеки и музеи, вести…

Причините поради кои се верува на лажните вести се комплицирани. Меѓу другото, тие се однесуваат на нашата личност и односот кон фактите, а постојат и различни когнитивни механизми што ја искривуваат нашата перцепција.

Прашањето е: Како можеме да станеме поотпорни?

Пристапот кој оди во насока кон создавање отпор е таканаречениот „Пребанкинг“ (Prebunking), свесност за идните шпекулации. Корисниците на интернетот треба да се сензибилизираат со тоа што ќе бидат информирани за лажните вести и дезинформации пред да стапат во контакт со нив. На пример, пред изборите, кога се очекува дека ќе има многу лажни вести за манипулирање со гласачите, би било вредно да се спроведе ваква информативна кампања.

Онлајн измамите се неисцрпна тема каде што жртва може да биде буквално секој, без разлика колку е упатен и едуциран и колку пати во себе си повторува „не кликај“. Ова, дотолку повеќе ако се работи за нечие здравје, а луѓето лесно можат да потпаднат на манипулации и лажни вести кога се ранливи или пак се чувствуваат беспомошно. Оттаму, чести се примерите кога корисниците на социјалните мрежи кликаат на реклами за лекови кои ветуваат лечење на стотици болести, различни суплементи за слабеење во рок од неколку дена, прочистување на телото за само неколку часа и слично.

Дезинформациите од различни платформи брзо се шират низ светот, а потоа се шират на социјалните мрежи без да бидат проверени од корисниците. Бидејќи човечкиот мозок работи на таков начин што посветува повеќе внимание на негативноста и на стравот, платформите за социјални мрежи се дизајнирани да им дистрибуираат на корисниците колку што е можно повеќе од она што им го привлекува вниманието, односно негативните работи. Ова предизвикува социјалните мрежи да влијаат врз цела популација во досега невидени размери и брзина. Студија на Универзитетот МИТ покажува дека лажните вести се шират шестпати побрзо од проверените вести.

Како да комуницираат ефективно активистите, службениците во оваа средина и како се организирани? Како се борат против дезинформациите?

Дигиталната трансформација ги направи организациите зависни од технологијата во вршење на својата работа. Но, иако има многу придобивки, дигитализацијата носи и сајберкриминалци.

Според извештајот на „Nonprofit Tech for Good Report“ од 2023 година, 27 проценти од невладините организации низ светот претрпеле најмалку еден сајбернапад. Невладините организации собираат, управуваат и обработуваат големи количини податоци на луѓето во чувствителни ситуации и финансиски податоци од донатори, кои се главните причини зошто злонамерните чинители имаат за цел да ги нападнат, со што овој сектор стана трета индустрија цел на хакери.

Фотографиите создадени со вештачка интелигенција стануваат сè пореални и е сè потешко да се разликуваат од вистинските фотографии. Постојат неколку методи што можат да се користат за да се идентификуваат фотографиите создадени со вештачка интелигенција, забележувајќи ја нивната неприродна текстура или искривена позадина на фотографиите.

Ширењето на дезинформациите е разбирлива човечка појава. Даниел Канеман, психолог кој ја доби Нобеловата награда за економски науки, го воведе концептот „WYSIATI“ - What you see is all there is („Она што го гледате е сè што постои“), што значи дека луѓето имаат тенденција да не го бараат она што не го гледаат.

Со телефоните практично залепени во нашите раце и постојаните нотификации, уредите го диктираат секој наш потег во оваа ера. Притисокот да сме постојано информирани и во тек со настаните некогаш може да стане преголем и да нè преоптовари. Па така, доаѓа период кога е потребно да се направи чекор назад и да се оддалечиме од уредите кои доминираат во нашиот живот.

Потребата за објективност, неутралност и рамнотежа во новинарството е секојдневен предизвик за професионалните медиуми, но еден од најголемите предизвици за медиумскиот професионализам доаѓа во време на избори. Изборниот процес претставува предизвик за медиумите, бидејќи ја става во фокус нивната потреба да им понудат на граѓаните пристап до сите факти, мислења и идеи во кампањата. Новинарите, исто така, мора да обезбедат пристап до медиумите за да може гласот на граѓаните да се слушне надвор од зборовите на политичката дебата.

Кога има настан каде што има екстремизам, новинарите и граѓаните понекогаш ме прашуваат како да известуваат и како да прават вести. Кога треба да одлучите што да објавите сега онлајн или како напис, најдобро би било да застанете и да размислите преку разговори со новинари и со експерти за комуникација.

Критичкото размислување е способност на една личност да распознае или суди и критички да анализира одреден проблем. Критичкото размислување се развива од рана возраст и се стекнува на индивидуална основа кај секој човек. За да утврдиме дали имаме критичко размислување, личноста мора да се стекне со вештини за набљудување, анализа, толкување, рефлективно размислување, проценување, заклучок, објаснување и решенија на проблеми и донесување на најправилни одлуки, пишува Portalb.mk.

На социјалните мрежи, ТикTок постои од 2014 година, тогаш познат како Musical.ly, а потоа во 2018 година беше реформиран со името што го носи денес. ТикТок е познат како платформа за забава која најмногу ја користат децата и младите. Сепак, повеќето од воените сцени, опасните предизвици кои резултирале со повреди и смрт, првично се споделуваа на оваа социјална мрежа.

До пред неколку години купувањето производи онлајн беше нешто што само „компјутерџиите“ го правеа, или пак се користеше за специјализирани производи. Но, во денешницата, онлајн шопингот станува сè понормален дел од нашето секојдневие. Пласирањето на личните банкарски податоци во онлајн етерот веќе не звучи така „страшно“ како што звучеше до пред десетина години. Иако самиот онлајн трансфер на пари преку банки е побезбеден од било, кога не значи дека не треба да сме претпазливи со трошењето пари онлајн.

Дали кога гледате филм, само врз основа на името на филмот носите заклучок за што станува збор, како ќе се одвива сценариото, каков ќе биде крајот? Не, туку одвојувате најмалку час и половина, оставате филмот да ве носи, да ви ги менува заклучоците, сè додека не стигнете до самата завршница.

Заштитата на децата од несоодветни веб-страници е многу важна, посебно во последно време кога се во пораст штетните содржини на Интернет. Постојат вградени филтри на прелистувачи кои може да понудат одредена заштита, но сепак тие не може да обезбедат целосна заштита и може да пропуштат некои веб-страници. Дополнително, денешните деца многу лесно можат лесно да најдат начини да ја пробијат таа заштита.

Денешните деца сè повеќе време поминуваат на своите смартфони, таблети или лаптопи. Родителите, најчесто поради работните обврски, не секогаш имаат време да контролираат какви содржини тие гледаат на нивните уреди. Сепак, ви предлагаме неколку начини како да ја зголемите контролата, односно, како да ги заштитите децата од она што можеби за нив претставува опасност или несоодветна содржина за нивната возраст.

Замислете дека сте риба и дека некој се обидува да ве фати на јадица – токму на овој начин можеме да го објасниме наједноставно терминот „фишинг напад“. Во дефиниција што ја има објавено Фондацијата „Метаморфозис“ во една од своите публикации се наведува дека фишингот е облик на измама кој опфаќа збир на активности на неовластени корисници преку користење лажни пораки од е-поштата и лажни веб страници на поголем дел од финансиските организации, обидувајќи се од корисниците да добијат доверливи лични податоци како што се единствен матичен број, корисничко име, ПИН броеви или слични податоци.

Глобалната новинска агенција Асошиејтед прес (АП) е пионер во користењето на вештачката интелигенцијата во медиумите. Уште во 2014 година, економската редакција на оваа новинска агенција започна да ја користи вештачката интелигенција за да ја автоматизира изработката на текстовите за корпоративните добивки на компаниите.

Дали некогаш сте се запрашале што, всушност, е кликбејт?

Фондацијата Метаморфозис редовно објавува едукативни написи за политиката на колачиња на сајтови и апликации. По својата дефиниција, „колачињата“ се мали, текстуални датотеки кои се испраќаат од веб-страниците што ги посетуваат корисниците и се зачувуваат на нивните уреди (компјутер, таблет и мобилен телефон).

Бројот на онлајн купувања на македонските граѓани расте, а паралелно се множат и измамите на граѓани при купувањето на виртуелните продажни места на интернет. За да се избегне „празнењето” на кредитните картички преку измами, постојат неколку препораки кои треба да ги следиме како граѓани при нашите купувања што ги вршиме на интернет.

Напливот на медиумски текстови, видеа, фотографии, како и постови на социјалните мрежи во денешно време е огромен, бидејќи постојано се појавуваат на нашите уреди со кои секојдневно комуницираме на интернет. Бомбастичните наслови и најавите за спектакуларни откритија во ваквите содржини неретко доведуваат до тоа да заборавиме на едно од основните правила при создавањето на медиумските содржини – потпишување на авторот којшто стои позади нив.

Се подготвувате за одмор? Прво осигурете го вашиот дом!

Добредојдовте во серијалот „Експертски совети за онлајн безбедност и приватност“ бр. 1

Блиските пријатели и семејството имаат мошне важна улога кога станува збор за нашата дигитална приватност и безбедност. Бидејќи повеќето од нас редовно комуницираат со блиските користејќи дигитални алатки и канали, и не сме подготвени да се откажеме од тие начини на комуникација, мораме да се сме свесни за нашата зголемена изложеност кога ги користиме истите. Дури и сериозно да ја сфаќаме дигиталната приватност, и да внимаваме на нашето онлајн присуство, како на пример, преку ограничување на нашиот дигитален отпечаток и применување сајбер-хигиена, токму нашите блиски може да излезат како „најслабата алка“ во нашиот синџир.

Традиционално, на почетокот на секоја година, големите компании и организации ги споделуваат со јавноста своите впечатоци, ставови, но и предвидувања за новата година во контекст на дигиталната безбедност. Гледајќи наназад, 2022 ја обележаа серија крупни настани во дигиталниот свет, дел од кои дефинитивно ќе остават трага и во годините (па и децениите) што следат.

Најчесто кога ќе забележиме медиумски написи за некој хакерски инцидент, тоа обично е поради тоа што метата (или жртвата) е некоја поголема, попозната компанија за јавноста. Кога Google, Facebook, Microsoft итн. се жртви на некој кибер-инцидент, и медиумите природно се заинтересирани за темата, а со тоа и ја информираат јавноста.

Сепак, речиси без оглед на тоа од која магнитуда и софистицираност се таквите напади на добро етаблираните компании и организации, тие речиси секогаш се „разрешуваат“, односно имаат свој почеток, тек, и крај, или завршница. Не секогаш крајот е „позитивен“ во однос на компанијата/институцијата: понекогаш жртвите исплаќаат огромни суми пари (вообичаено во крипто-валути) кон напаѓачите, со цел да си ги добијат податоците назад.

Голем дел од нас (ако не и сите) вообичаено ја заклучуваат влезната врата од домот, дури и кога излегуваат до блиската продавница или кафуле. Особено пак, ако живееме во зграда со повеќе станари, или пак, сме на прометна улица – понекогаш внимаваме дури и на прозорците! Јасно, и недвосмислено е зошто го правиме ова – загрижени сме за нашата безбедност, и не сакаме никој (без наша експлицитна дозвола) да ни влезе во домот! Со други зборови, нашето чувство на сигурност ни е важно кога станува збор за нашата непосредна физичка околина – приватноста на нашиот дом.

Ако оваа пандемија нè научи на нешто, тоа е само колку се важно секојдневните, основни хигиенски навики кои не штитат од огромен број бактерии, вируси и други потенцијални закани. Токму ова рудиментарно, напамет научено однесување веројатно не „спасило“ во минатото, без ние да знаеме за тоа, додека сме биле изложени на вирусен патоген, можеби дури и со ковид 19.

Манипулацијата, принудување, играње со емоциите - се дел од човечкото постоење веројатно уште од самиот почеток. Нормално, некои луѓе се подобри во ова од останатите, и вториве, за жал, имаат тенденција да станат жртви на такви шеми и се оставени да се соочуваат со последиците од таквата нивна честопати љубезна природа.

Растечкиот тренд на обезбедување на се повеќе услуги на државните институции до граѓаните по електронски пат освен што бара доследно следење на технолошкиот развој, унапредување на знаењата и менување на навиките на граѓаните, бара и прецизно утврдување на мерките за заштита на личните податоци на граѓаните.

Колку пати сте се соочиле со непријатната ситуација вашите драгоцени податоци (фотографии, видео снимки, итн.) ги изгубите засекогаш поради мало невнимание или пак и не по ваша вина? Дали секогаш внимавате на тоа да чувате безбедна копија од вашите најдрагоцени податоци, или пак единствено се потпирате на вашиот антивирусен софтвер да ве одбрани против сајбер-напади со уцена (ransomware attack)?

Виртуелните приватни мрежи (ВПМ) или попознати како VPN мрежи, се добро познати во нашата јавност како многу корисна „алатка“ за заобиколување на правилата на одредени стриминг платформи во однос на геолокациските ограничувања. Покрај тоа што го „измамуваат“ сервисот или платформата, и ја прават достапна вашата омилена серија, игран филм, или подкаст, што друго знаеме за нив? Дали ВПМ можат да ни бидат од корист и во други околности, професионални или приватни, и зошто се тие навистина важни?

Фишинг пораки, спам, „ѓубре“, и ред други називи. Сите ние, во некој момент, сме примиле вакви пораки. Од фамозните пораки од нигерискиот принц, па се до најсофистицираните видови на таргетиран-фишинг, тие се тука да останат. Што можеме да направиме во врска со нив?

Упатства, листи за проверка, најчесто поставувани прашања, литература и бази на податоци за разоткривање лажни информации